Coprecik bere 50. urteurrenaren bideoklipa aurkeztu du
'Lantegixa herri' da abestiaren izena, enpresaren 50. urteurrena dela-eta idatzi dena eta enpresako langileek interpretatu dutena. Bideoklipa Aretxabaletako produkzio lantegian eta herriko hainbat tokitan egin da.
Copreciko ia hogei bat gizon eta emakume izan dira kooperatibaren 50 urteak ospatzeko eta enpresaren fundatzaileak omentzeko asmoarekin idatzi den 'Lantegixa herri' abestiaren grabazioko eta bideoklipeko protagonistak.Bideokliparen hari gidaria bihotza izan da, Copreci siglekin, “milioika etxetresna elektrikotan presente dagoen bihotza, mundu osoko milioika etxetan dagoena, baina batez ere kooperatiba osatzen duten gizon eta emakume guztiengan presente dagoena”.