Coprecik txinerazko web orria estreinatu du.
Coprecik hizkuntza berria gehitu dio bere web orriari: txinera. Coprecirentzako merkatu asiarrak duen geroz eta garrantzi handiagoak bultzatuta, web orria hizkuntza honetan ere jartzeko beharra sortu da. “Gune geografiko honetan kokatuta dauden bezero guztiei erantzun bat ematea bilatzen dugu. Izan ere, guk bezala, beraiek ere asko baloratzen dute informazioa norberaren hizkuntzan eskura izatea”.
Era berean, berriki bideo korporatibo bat sortu dugu hizkuntza honetan. Copreci 2004an kokatu zen Txinan barbakoentzako osagaiak fabrikatzeko produkzio planta batekin, Txinako hegoaldean eta Macao ondoan dagoen Zhuhai eskualdean ditugun bezeroei gertuko erantzun bat eman asmoz. Gaur egun, garbiketa negozioarentzako motobonba eta egosketarako balbulak ere ekoizten ditu Coprecik.
Copreci mundu mailako liderra da gasezko Egosketa eta barbakoentzako osagaietan, eta gainera Garbiketa, Egosketa elektronikoa eta Etxe Konforta sektoreei zuzenduriko bestelako produktuak ere badauzka. Coprecik 7 planta produktibo ditu banatuta mundu osoan zehar, eta beraietatik eskaintzen die arreta bezeroei, mundu mailako etxetresna fabrikatzaile nagusi direnei.